ម្សិល​មិញ​គេ​ហៅ​ខ្ញុំ​និង​មិត្ត​ភក្តិ​ខ្ញុំ​ពីរ​នាក់​ទៀត​ទៅ​ចូល​រួម​កម្មវិធី “ ខ្ញុំ និង​អ្នក” នៅ​ទូរទស្សន៍​ប៉ុស្តិ៍​ទទក​ជា​លើក​ទី​ពីរ​ហើយ។ គួរ​ឲ្យ​សោក​ស្ដាយ​ក្រុម​យើង​នៅ​តែ​ចាញ់​ដដែល។ ខ្ញុំ​ចូល​លេង​ប្រធាន​បទ​ទី​មួយ​គឺ​ឆ្លើយ​នឹង​សំណួរ ជាប់​បាន​៩​ពិន្ទុ អាច​ឡើង​លេង​ក្នុង​វគ្គ​ផ្ដាច់​ព្រ័ត្រ តែ​ដឹង​ថា​ធ្លាក់​បាត់​ទៅ​ហើយ ព្រោះ​អី​អត់​មាន​និស្ស័យ​នឹង​កំណាព្យ​កាព្យ​ឃ្លោង​បន្តិច​សោះ។ ដល់​ពេល​ឡើង​ទៅ​វគ្គ​ផ្ដាច់​ព្រ័ត្រ​គេ​ឲ្យ​តែង​កំណាព្យ​បទ​ពាក្យ​បួន​ តែង​បាន តែ​ដល់​ពេល​សូត្រ ចោល​លុយ​តែ​ម្ដង! តែ​មិន​អី​ទេ ព្រោះ​អី​ទៅ​លេង​ដើម្បី​សប្បាយ​ទេ​តើ មិន​មែន​សំខាន់​លើ​រឿង​ឈ្នះ​ចាញ់​នោះ​ឡើយ!

សំណួរ​ដែល​គេ​សួរ​ខ្ញុំ​នៅ​វគ្គ​ទី​មួយ​នោះ​គឺ៖

តើត្រូវ​មាន​គុណ​ធម៌​អ្វី​ខ្លះ​ដែល​ធ្វើ​ឲ្យ​ក្លាយ​ជា​មនុស្ស​ឧត្ដម?

សាក​ឲ្យ​អ្នក​ទាំង​អស់​គ្នា​ឆ្លើយ​សាក​មើល!