បណ្ណសារចំណាត់ក្រុម៖ គណិតthematics
របៀបដោះស្រាយគណិតវិទ្យា
ខ្ញុំធ្លាប់ឃើញរួចមកហើយនូវការបោះពុម្ពសៀវភៅជាច្រើននិយាយពីលំហាត់គណិតវិទ្យា និងដំណោះស្រាយនីមួយៗ ប៉ុន្តែមកទល់ពេលនេះខ្ញុំមិនទាន់ឃើញមានសៀវភៅខ្មែរណាមួយក្បាលនិពន្ធពីរបៀប ក៏ដូចជាគន្លឹះដោះស្រាយលំហាត់គណិតវិទ្យាជាទូទៅទាល់តែសោះ។ ហេតុដូច្នេះ ហើយខ្ញុំចង់ណែនាំសៀវភៅប៉ុន្មានក្បាល ដូចខាងក្រោម ដែលសរសេរជាភាសាអង់គ្លេស៖
សៀវភៅនេះនិយាយពីការដោះស្រាយគណិតវិទ្យាដោយប្រើប្រាស់វិធីសាស្ត្រល្អៗ ហើយយុទ្ធសាស្ត្រទាំងនេះសុទ្ធតែអាចប្រើបានសម្រាប់គ្រប់លំហាត់គណិតវិទ្យាទូទៅ។ ប៉ុន្តែទន្ទឹមនឹងការចេះអនុវត្តវិធីទាំងនេះ អ្នកទាំងអស់គ្នាក៏គួរចេះចាំរូបមន្ត និងទ្រឹស្ដីបទគណិតវិទ្យាសំខាន់ៗ មួយចំនួនដែរ។ បើមានចំណាប់អារម្មណ៍ សូមទាញយកតាម Link ខាងក្រោមនេះ 
http://www.mediafire.com/?mzzjjey4gyh
ថ្មីៗនេះខ្ញុំបានរកឃើញ Blog មួយដ៏មានប្រយោជន៍ស្ដីពីគណិតវិទ្យាទាំងស្រុង។ ប្រសិនមិត្តណាមានបំណងចង់បង្កើនចំណេះដឹងផ្នែកគណិតវិទ្យារបស់ខ្លួននោះ សូមអញ្ជើញចូលទស្សនា Blog នេះចុះ ប្រាកដថាមិនខុសបំណងឡើយ។ 
Have a Nice Day!
ប្រវត្តិនៃលេខសូន្យ
អ្នកទាំងអស់គ្នាសុទ្ធតែធ្លាប់ដឹងហើយថានៅក្នុងគណិតវិទ្យា មានលេខមួយដែលតំណាងឲ្យភាពគ្មានសោះ
នោះគឺ”លេខសូន្យ”។ លេខសូន្យមិនមែនជាចំនួនវិជ្ជមាន ហើយក៏មិនមែនជាចំនួនអវិជ្ជមានដែរ ពោលគឺវានៅកណ្ដាល ជាអ្នកខ័ណ្ឌចែករវាងចំនួនវិជ្ជមាន (+) និងចំនួនអវិជ្ជមាន (-) ។ ចុះចំនែកប្រវត្តិរបស់វាវិញ?
តាមការស្រាវជ្រាវ លេខសូន្យត្រូវបានបង្កើតឡើងដោយអ្នកប្រាជ្ញជនជាតិឥណ្ឌាម្នាក់នៅក្នុងសម័យបុរាណ ដោយឲ្យឈ្មោះជាភាសាសំស្ក្រឹតថា Shunya (ដើមកំណើតនៃពាក្យខ្មែរ “សូន្យ”)។ កាលសម័យនោះ នៅអឺរ៉ុបគេនិយមប្រើលេខរ៉ូម៉ាំង ប៉ុន្តែលេខរ៉ូម៉ាំងគ្មានលេខសូន្យឡើយ ពោលគឺមិនអាចកំណត់ទៅលើអ្វីដែល”គ្មាន” នោះឡើយ។ ចំណេរកាលតមក ជនជាតិអារ៉ាប់បានខ្ចីលេខនេះទៅប្រើផ្សព្វផ្សាយរហូតទៅដល់ទ្វីបអឺរ៉ុប ដោយប្រែជាភាសាអារ៉ាប់ថា sifr (ដើមកំណើតនៃពាក្យអង់គ្លេស “cipher) ។
“We owe a lot to the Indians, who taught us how to count, without which no worthwhile scientific discovery could have been made”. Albert Einstein
Rubik’s Cube!
Many people worldwide have been playing these games, even celebrities such as Will Smith. However, I don’t think there are many Khmer people who know what this game is called, as far as I’m concerned. Well, its name is Rubik’s Cube!
Rubik’s Cube is a game of cube invented by a Hungarian scientist named Erno Rubik, which was why this game was named after him. Statistically, nowadays there are more than 300 million Rubik’s Cubes sold throughout the world. There are so many of them that if you pile them up one after another, its height will be equal to that of Mount Everest, twice. Normally, this cube is 3x3x3, so there are 9 little squares on each of the 6 sides. On the other hand, more versions of Rubik’s Cube have also been released, including 4x4x4 cube, 2x2x2 cube and etcetera.
Man, a long while ago I’ve been searching everywhere for this cube in Phnom Penh without any luck. I used to buy and play this cube before, but I was not skillful and not very much interested. When I’m started to get fascinated by it, it was nowhere to be found. Fortunately, I have it now in my hand, and I’m on my way to mastering it. I believe some of you have already played this game, and some even know how to solve it. Well, for those who are new to this game, I suggest you really should play this game. I think this game provides us lots of advantages – for example, increasing your IQ and your sense of logic and, to be precise, the improvement of your brain.
If you can solve this puzzle on your own, you really are a true master, but it doesn’t make you an idiot if you can’t. Get one now!
Need help? Click Here!
ប្រឡងចប់ហើយ
ហ៊ើយ! ពេលនេះជាថ្ងៃបញ្ចប់ហើយ។ ប្រឡងហើយដូចជាធូរស្រាលក្នុងខ្លួនតែម្ដង។ ពេលចេញពីបន្ទប់ប្រឡងដើរបណ្ដើរសើចបណ្ដើររហូត ព្រោះអីសប្បាយចិត្តពេក។ 
មុខវិជ្ជាថ្ងៃចុងក្រោយនេះគឺគណិតវិទ្យា។ ធ្វើចង់ស្លាប់ចង់រស់ (មិនបើកចាក់គណិតដាច់ខាត) រយៈពេល ២ ម៉ោង ធ្វើហើយនៅសល់ប្រហែលកន្លះម៉ោង។ តែមិនដឹងជាត្រូវរឺខុសទេ ព្រោះផ្ទៀងចម្លើយជាមួយពិសិដ្ឋ ឃើញខុសគ្នា។ សង្ឃឹមថាធ្វើត្រូវទាំងអស់ទៅចុះ។ មានលំហាត់ពីរដែលខ្ញុំធ្វើទៅខុសគ្នាជាមួយពិសិដ្ឋ។ បើអញ្ចឹងអ្នកទាំងអស់គ្នាសាកធ្វើដែរមើល ដើម្បីផ្ទៀងផ្ទាត់នឹងចម្លើយរបស់ខ្ញុំ។ លំហាត់នៅទីនេះ។
សេះ និង ជណ្ដើរយន្ត
ប្រហែលជាធ្លាប់បានលេងហើយ តែចេះតែដាក់ទៅ ជួយរកចម្លើយទាំងអស់គ្នា៖
សេះ
ច្បាប់នៃល្បែងនេះគឺដូចលេងអុកអញ្ចឹង។ អ្នកត្រូវដើរសេះនេះឲ្យដូចជាដើរសេះនៅក្នុងការលេងអុក (ដើរទៅមុខពីរក្រឡា ហើយបញ្ឆិតមួយក្រឡា) ធ្វើយ៉ាងណាកុំអោយជាន់ក្រឡាដដែល ហើយចុងបញ្ចប់ត្រូវមកឈប់នៅក្រឡាចុងក្រោយគេបង្អស់ដែលនៅសល់។ ប្រសិនបើអ្នកធ្វើដូច្នោះបាន នោះអ្នកនឹងឈ្នះ។
ប្រសិនបើចង់សាកល្បងសូមអញ្ជើញទៅកាន់៖ http://www.plastelina.net/games/game4.html
ជណ្ដើរយន្ត
ច្បាប់៖ គួរកត់សម្គាល់ថាជណ្ដើរយន្តទាំងប្រាំនេះ លោកអ្នកអាចជ្រើសបានតែពីរតែប៉ុណ្ណោះក្នុងពេលមួយលើកៗ ហើយអ្នកអាចជ្រើសរើសឲ្យវាឡើងបាន ៨ ជាន់ រឺ ក៏ចុះមកវិញ ១៣ ជាន់។ ធ្វើយ៉ាងណា អ្នកត្រូវតែឲ្យជណ្ដើរយន្តទាំងអស់នេះស្ថិតនៅចន្លោះជាន់ទី ២១ និងទី ២៥ ទើបអ្នកនៅក្នុងជណ្ដើរយន្តទាំងអស់អាចចេញបាន។
សាកល្បង៖ http://www.plastelina.net/games/game5.html
តើអ្នកទាំងអស់គ្នារកឃើញទេ?
គុណសម្បត្តិនៃគណិតវិទ្យា
ចំណេះដឹងទូទៅត្រូវបានគេបែងចែកជាពីរផ្នែកធំៗគឺវិទ្យាសាស្ត្រពិត និងវិទ្យាសាស្ត្រសង្គម។ ផ្នែកនីមួយៗតែងតែ មានគុណប្រយោជន៍ផ្សេងៗពីគ្នា។ តើគណិតវិទ្យាវិញមានផលប្រយោជន៍អ្វីខ្លះ?
វិទ្យាសាស្ត្រសង្គមមានដូចជា អក្សរសាស្ត្រ គេហវិទ្យា សីលធម៌ ពលរដ្ឋវិជ្ជា ទស្សនវិជ្ជា និងវិជ្ជាផ្សេងៗដែលគេយកមកប្រើប្រាស់នៅក្នុងសង្គម ហើយមានការប្រែប្រួលទៅតាមទំនៀមទម្លាប់ប្រពៃណី និងកាលៈទេសៈ សម័យកាលនៃសង្គម។ ចំនែកវិទ្យាសាស្ត្រពិតមានដូចជា រូបវិទ្យា គីមីវិទ្យា ជីវវិទ្យា ផែនដីវិទ្យា គណិតវិទ្យា ពោលគឺវិជ្ជាទាំងឡាយណាដែលបម្រើដល់វិទ្យាសាស្ត្រពិត គ្មានការប្រែប្រួល
ឡើយ។ ឧទាហរណ៍ មួយបូកមួយគឺស្មើពីរ មិនអាចស្មើបីរឺបួនឡើយ។ បើយើងសង្កេតមើលទៅ យើងនឹងឃើញថាមុខវិជ្ជាមួយគឺគណិតវិទ្យាប្រៀបបាននឹងមែកធាងដ៏ធំមួយដែលបែកមែកសាខាទៅឲ្យមុខវិជ្ជាដ៏ទៃទៀតដូចជារូបវិទ្យា និងគីមីវិទ្យាជាដើម។ យើងក៏ដឹងរួចមកហើយថាគណិតវិទ្យាមានសារៈសំខាន់ណាស់ក្នុងជីវភាពរស់នៅប្រចាំថ្ងៃរបស់មនុស្សជាតិគ្រប់ប្រទេសទាំងអស់ទូទៅសកលលោក។ ជាក់ស្ដែងការងារលក់ដូរ គណនាលេខ និងដោះស្រាយលំហាត់ សម្រាប់ធ្វើសំណង់ផ្សេងៗសុទ្ធតែត្រូវការរូបមន្តគណិតវិទ្យាយកមកដោះស្រាយទោះអស់ បើពុំនោះទេ ផ្ទះដែលសង់ហើយមិនត្រឹមត្រូវតាមក្បួនខ្នាតនៅមិនបានគង់ទេ។ ម្យ៉ាងវិញទៀត គណិតវិទ្យាបានបម្រើដល់មនុស្សលោកជាច្រើនប្រការ ជាពិសេសក្នុងការស្ទង់មើលពីអ្វីមួយ រួមមានគ្រោះថ្នាក់ធម្មជាតិ អាកាសធាតុ និងបំរែបម្រួលពិភពលោកជាអាទិ៍។ យ៉ាងណាមិញ គេអាចប្រើគណិតវិទ្យាកសាងម៉ាស៊ីនអស្ចារ្យផ្សេងៗដែលមនុស្សលោកនឹកស្មានមិនដល់ ជាពិសេសកុំព្យូទ័រនេះឯង ដែលគេប្រើប្រព័ន្ធលេខគោលពីរ (មានតែលេខ ០ និងលេខ ១ ប៉ុណ្ណោះ)។ ចំពោះគ្រោះថ្នាក់ធម្មជាតិដូចជាគ្រោះរញ្ជួយដី និងខ្យល់ព្យុះ រឺស៊ូណាម៉ិ អ្នកវិទ្យាសាស្ត្រអាចប្រើគណិតវិទ្យាដើម្បីទស្សន៍ទាយគិតជាមុន ទើបអាចបញ្ចៀសប្រជាជនឲ្យគេចពីកន្លែងគ្រោះថ្នាក់បាន។
ហេតុផលទាំងប៉ុន្មានខាងលើ ខ្ញុំជឿថាអ្នកទាំងអស់គ្នាពិតជាធ្លាប់ស្ដាប់ ធ្លាប់អាន ធ្លាប់ដឹងឮអស់ហើយ។ ប៉ុន្តែចំពោះអ្នកសិក្សាវិទ្យាសាស្ត្រសង្គមមួយចំនួនដូចជាទស្សនវិជ្ជា ដែលត្រូវការគណិតវិទ្យាក្នុងកំរិតទាបបំផុត បានចោទសួរថា ហេតុអ្វីបានជាគេត្រូវការរៀនគណិតវិទ្យាឲ្យដិតដល់ធ្វើអ្វី? ហើយអ្នកខ្លះ ដោយសារតែហេតុផលនេះ បែរជាផ្ដោតតែទៅលើមុខវិជ្ជាដែលខ្លួនចូលចិត្ត លែងសូវខ្វល់ពីគណិតវិទ្យា។ ខ្ញុំសូមបញ្ជាក់ថា គណិតវិទ្យាមានគុណសម្បត្តិម្យ៉ាងទៀតដែលមនុស្សភាគច្រើនមិនបានគិតដល់នោះទេ។ តើអ្នកទាំងអស់គ្នាមានធ្លាប់គិតដែររឺទេ ចំពោះការគិតរបស់អ្នកពូកែគណិតវិទ្យា និងអ្នកខ្សោយគណិតវិទ្យា? តាមពិត អ្នកដែលចេះខាងគណិតវិទ្យា គំនិត និងទស្សនៈរបស់គេចំពោះរឿងទូទៅមានភាពសុក្រឹត្យ និងសមហេតុសមផល ជាជាងអ្នកដែលមិនសូវពូកែគណិតវិទ្យា ពីព្រោះថាគណិតវិទ្យាគឺជាវិជ្ជាដែលត្រូវប្រើការគិត ឯអ្នកដែលគិតគឺត្រូវតែគិតឲ្យបានសមហេតុផល ហើយប្រការនេះក៏បានជះឥទ្ធិពលទៅលើជីវភាពរស់នៅប្រចាំថ្ងៃរបស់យើងដែរ។ នេះហើយគឺជាគុណសម្បត្តិអាថ៍កំបាំងរបស់គណិតវិទ្យា។
គួរបញ្ជាក់ផងដែរថា”គណិត” ប្រសិនបើយើងអានឲ្យជាប់ទៅ ស្រដៀងគ្នានឹងពាក្យ “គំនិត” នេះឯង។ ដូច្នេះខ្ញុំសូមសំណូមពរដល់អ្នកសិក្សារៀនសូត្រទាំងឡាយថា ទោះបីជាអ្នករៀនមុខវិជ្ជាជីវៈអ្វីផ្សេងពីគណិតវិទ្យាក៏ដោយ ក៏សូមអ្នកកុំរំលងគណិតវិទ្យាឲ្យសោះ ពីព្រោះវាមិនត្រូវតែមានប្រយោជន៍សម្រាប់ការងារថ្ងៃអនាគតរបស់អ្នកប៉ុណ្ណោះទេ ថែមទាំងមានប្រយោជន៍សម្រាប់ជីវិតក្នុងសង្គមយើងផងដែរ។
ហេតុអ្វីបានជាអញ្ចឹង?
ក្នុងរូបភាពដំបូងគេ ការេមួយដែលមានក្រឡាផ្ទៃ ៦៤ ត្រូវគេកាត់ជាចំនែកៗហើយរៀបជាចតុកោណកែង (ដូចរូប) ប៉ុន្តែពេលគេគណនាក្រឡាផ្ទៃទៅ ឃើញដល់ទៅ ៦៥ ។ តើហេតុអ្វីបានជាដូច្នេះ?
