បណ្ណសារចំណាត់ក្រុម៖ General Knowledge
ខៀវ រឺបៃតង?
ក្នុងចំណោមពាក្យខ្មែរ ដែលមានភាពចម្រូងចម្រាសមិនចេះចប់មិនចេះហើយនោះ ខ្ញុំសង្កេតឃើញថា អ្នកខ្លះនៅតែច្រឡំគ្នារវាងការញែកពណ៌ខៀវ និងពណ៌បៃតងដដែល។ តើហេតុអ្វីទៅ? ឧទាហរណ៍ ភ្លើងសញ្ញាចរាចរណ៍ដែលអនុញ្ញាតឲ្យអ្នកដំណើរឆ្លងទៅបាន ម៉េចក៏នាំគ្នាថាភ្លើងពណ៌ខៀវដូច្នេះ? ហើយនៅក្នុងវចនានុក្រម អង់គ្លេស-ខ្មែរ មួយចំនួនក៏បកពាក្យ Green ថាជាពណ៌ខៀវដែរ។
តាមវចនានុក្រមខ្មែរ រៀបរៀងដោយសម្ដេចសង្ឃរាជជួន ណាត បានបញ្ជាក់យ៉ាងច្បាស់ពីន័យនៃពណ៌ទាំងពីរនេះ៖
- ខៀវ ៖ ពណ៌ផ្ទៃមេឃជាប្រក្រតី។
- បៃតង ៖ (ស.)(បៃត្ចង អ. ថ. បៃតង ន. “ស្លឹកចេក”) ពណ៌ស្លឹកចេកស្រស់ ៖ ពណ៌បៃតង, សំពត់បៃតង។
ដូច្នេះ យើងគួរតែដឹងថា៖
ខៀវ
បៃតង
ដូរ Facebook Chat មកសភាពចាស់វិញ
ថ្មីៗនេះ Facebook បានផ្លាស់ប្ដូររបៀបក្នុងការ Chat ដែលប្រហែលជាចង់សម្រួលដល់ការប្រើប្រាស់ ប៉ុន្តែបំលាស់ប្ដូរនេះបានទទួលរងការមិនពេញចិត្តពីសំណាក់អ្នកប្រើប្រាស់មួយចំនួនទៅវិញ ដោយចោទឡើងពីបញ្ហាផ្សេងៗ។ ដូច្នេះ បើយើងចង់ដូរឲ្យបានកម្មវិធី Chat ដើមវិញ មិនចាំបាច់រិះគន់រហូតដល់គេដូរឲ្យនោះទេ យើងនាំគ្នាផ្លាស់ប្ដូរដោយខ្លួនឯងតែម្ដងទៅ 
ចំណាំ៖ ការប្ដូរ Facebook Chat នេះអាចដំណើរការបានចំពោះ Firefox និង Google Chrome
ចំពោះអ្នកប្រើប្រាស់ Firefox
- ដំបូងយើងត្រូវដំឡើង Add-On មួយឲ្យ Firefox ដែលមានឈ្មោះថា Greasemonkey ។ ក្រោយពីដំឡើងរួច សូម Restart Firefox ឡើងវិញ។
- បន្ទាប់មក ដំឡើង Facebook Sidebar Chat Reversion ដែលជា Script របស់ Greasemonkey ។
- រួចរាល់ហើយ ពេលអ្នកបើក Facebook និងឃើញថាកម្មវិធី Chat ត្រលប់មករកសភាពកាលពីមុនវិញ
ចំពោះអ្នកប្រើប្រាស់ Google Chrome
- អ្នកគ្រាន់តែដំឡើង Facebook Sidebar Chat Reversion រួចជាការស្រេច ដោយមិនបាច់ដំឡើង Greasemonkey នោះទេ។
ពេលនេះយើងអាចប្រើ Facebook Chat ចាស់វិញបានហើយ!
ឯកសារយោង៖ The Heat Web
Earth Hour 2011
Earth Hour ជាព្រឹត្តិការណ៍មួយដែលរមែងធ្វើឡើងជារៀងរាល់ឆ្នាំក្នុងខែមីនា។ រីឯ Earth Hour 2011 នឹងចាប់ផ្ដើមនៅថ្ងៃសៅរ៍ ទី២៦ ខែមីនា ពីម៉ោង ៨:៣០ នាទី ដល់ម៉ោង ៩:៣០ នាទី (ម៉ោងក្នុងស្រុក)។
Earth Hour ចាប់ផ្ដើមធ្វើឡើងជាលើកដំបូងនៅទីក្រុងស៊ីដនី ប្រទេសអូស្ត្រាលី ដែលប្រជាជនប្រមាណ ២.២ លាននាក់ និងនៅអាជីវកម្មជាង ២០០០ នាំគ្នាបិទភ្លើងដើម្បីថែរក្សាថាមពល និងក្រើនរំលឹកអ្នករាល់គ្នាអំពីបញ្ហាបំលាស់ប្ដូរអាកាសធាតុ។ ព្រឹត្តិការណ៍នេះទទួលបានគាំទ្រកាន់តែច្រើនឡើង ជារៀងរាល់ឆ្នាំ ដោយមានប្រជាជនរាប់រយលាននាក់ចូលរួមទូទាំងប្រទេសលើពិភពលោក។
ដូច្នេះហើយ ក្នុងឱកាស Earth Hour នាឆ្នាំនេះ យើងសូមសំណូមពរឲ្យអ្នករាល់គ្នាបិទភ្លើងទាំងអស់ចំនួនរយៈពេលមួយម៉ោង ដើម្បីចូលរួមក្នុងព្រឹត្តិការណ៍ដ៏ឱឡារិកនេះ។
តើអ្នកណាខ្លះនឹងចូលរួម?
ខាងក្រោមនេះជាព្រឹត្តិការណ៍ Earth Hour នាឆ្នាំ ២០១០៖
ឆ្នាំថ្មី ឆ្នាំថោះ ឆ្នាំទន្សាយ!
ថ្ងៃនេះជាថ្ងៃចូលឆ្នាំចិន ឆ្លងឆ្នាំខាល ចូលឆ្នាំថោះ ជាឆ្នាំទីបួនកំណត់ដោយឈ្មោះ ទន្សាយ ។ តើអ្នកដឹងទេថាតើ ទន្សាយមានលក្ខណៈពិសេសអ្វីខ្លះ? សូមអញ្ចើញតាមដាន៖
- ទន្សាយមានខួរក្បាលចងចាំល្អណាស់។
- ទន្សាយមានត្រចៀកវែងហើយវៃ អាចបត់បែនគ្រប់ទិស និងជួយកំរិតសីតុណ្ហភាពឲ្យខ្លួនទៀតផង។
- ទន្សាយមានភ្នែកធំៗ ប៉ុន្តែមើលមិនឃើញអ្វីដែលនៅចំពីមុខតែម្ដង នោះទេ។
- ទន្សាយមានចក្ខុវិស័យជិតស្មើនឹង ៣៦០ ដឺក្រេ។ វាអាចមើលឃើញខាងក្រោយខ្លួនវា ដោយមិនបាច់ងាកក្បាលឡើយ។
- ទន្សាយមានធ្មេញទាំងអស់ ២៨ ដែលបន្តដុះរហូតទាល់តែអស់ជីវិត។
- កូនទន្សាយកើតមកខ្វាក់ភ្នែក ហើយគ្មានរោមទេ។ លុះដល់ប្រមាណ ១០ ថ្ងៃ ទើបកូនទន្សាយបើកភ្នែកបាន។
- ទន្សាយមិនអាចក្អួតបានទេ។
- ទន្សាយត្រូវការធ្វើលំហាត់ប្រាណ ៤ ម៉ោងក្នុងមួយថ្ងៃ ដើម្បីរក្សាសុខភាព។
- ទន្សាយមិនចូលចិត្តឲ្យគេលើកឡើងទេ។
Teacher: Why do you know carrots are good for eyes?
Student: Have you ever seen a rabbit wearing glasses?
Blocked? Not anymore…
Today I stumbled upon an article at LIFT talking about the website Ki-Media being blocked in Cambodia. According to the news, several customers of Ezecom ISP (Internet Service Provider) have been unable to gain access to the site. Why? The answer given by a customer service representative at Ezecom told The Phnom Penh Post that his manager told him to block access to the site, saying it’s the government’s order.
A customer service representative for Ezecom, contacted by The Post today, confirmed that his manager told him to block access to the website, saying the government had informed them to shut it down.
However, they haven’t clarified whether customers of other ISPs have got the same problems, and the government denied absolutely that it didn’t give any orders to shut down Ki-Media.
Well, I can clarify that. As a Metfone ISP customer, I haven’t been able to gain access to the site as well. Is it a coincident? Is it just me? Or is it not? Well, my guess is, in case the government didn’t want people in Cambodia to gain access to a site such as Ki-Media, they would tell each ISP in the country to block off its domain (blogspot.com). And what another coincident! I can’t get access to any other sites with the blogspot domain as well! Strange, isn’t it?
However, I couldn’t leave things be, for there are many blogspot sites I like! So, here’s a tricky method I’ve found to regain access to those supposed-to-be-blocked sites In case you’ve got the same problems as me, try this:
http://anonymouse.org/cgi-bin/anon-www.cgi/http://…
For example: http://anonymouse.org/cgi-bin/anon-www.cgi/http://mediafiremanga.blogspot.com/
Phew! Problem solved, at least for the time being. Have a jolly nice day, everybody! Ciao!
ប្រើទូរស័ព្ទរន្ទះបាញ់?
ថ្មីៗនេះមានភ្លៀងធ្លាក់ជារៀងរាល់ថ្ងៃ ហើយចាស់ៗ និងមិត្តភក្តិខ្ញុំមួយចំនួនតែងដាស់តឿនខ្ញុំឲ្យបិទទូរស័ព្ទ កុំប្រើពេលកំពុងភ្លៀង។ ដូច្នេះហើយ ខ្ញុំចេះតែឆ្ងល់ថា តើទូរស័ព្ទពិតជាអាចទាក់ទាញរន្ទះបាញ់មែនរឺមិនមែន?
ក្នុងព័ត៌មានកោះសន្តិភាពចុះផ្សាយថ្ងៃទី ២៩ កញ្ញា ឆ្នាំ ២០១០ បានឲ្យដឹងថា បុរសម្នាក់ត្រូវរន្ទះបាញ់ស្លាប់ខណៈពេលដើរកាត់ភ្លៀងដោយដាក់ទូរស័ព្ទដៃក្នុងហោប៉ៅ។ ក្រោយឧប្បត្តិហេតុនេះ ទូរស័ព្ទដែលបានរកឃើញត្រូវបែកខ្ទេចខ្ទីអស់គ្មានសល់។ ដូចគ្នាដែរ ក្នុងប្រទេសចិន ថ្ងៃទី ២៤ ខែកក្កដា ឆ្នាំ ២០០៤ មនុស្សដប់ប្រាំនាក់ត្រូវរងគ្រោះរន្ទះបាញ់ ក្រោយការស៊ើបអង្កេតឃើញថា មានបុរសវ័យចំណាស់ម្នាក់ (ក្នុងចំណោម ១៥ នាក់) បានប្រើទូរស័ព្ទដៃពេលកំពុងភ្លៀងផ្គរ។ សាស្ត្រាចារ្យ Liu Shuhua នៅដេប៉ាតឺម៉ង់វិទ្យាសាស្ត្រផ្នែកឧតុនិយមប្រចាំសាកលវិទ្យាល័យ Peking បានមានប្រសាសន៍ថា វាពិតជាមានគ្រោះថ្នាក់ណាស់ក្នុងការប្រើប្រាស់ទូរស័ព្ទដៃក្នុងពេលកំពុងមានភ្លៀង។ រលកអេឡិចត្រូម៉ាញេទិចតាមទូរស័ព្ទជាអ្នកចម្លងចរន្តដ៏ល្អ ចំនែកទូរស័ព្ទដើរតួជាឧបករណ៍ទាក់ទាញរន្ទះ។ តើនេះជាការពិតដែររឺទេ?
តាមវ៉ិបសាយ ABC News ចុះផ្សាយថ្ងៃទី ១២ ខែកក្កដា ឆ្នាំ ២០០៦ មជ្ឈមណ្ឌលចាប់រន្ទះមួយក្នុងទីក្រុង Tucson រដ្ឋ Arizona បានអះអាងថា ទូរស័ព្ទដៃ រឺឧបករណ៍ចាក់ MP3 (MP3 Player) គ្មានគ្រោះថ្នាក់អីនៅក្នុងព្យុះភ្លៀងជាជាងកូនសោ រឺកាក់នោះទេ។ ចំនែកឯលោក Ron Holle ឧតុវិទូមួយរូបបានមានប្រសាសន៍ថា “អ្វីដែលនៅជាប់ខ្លួនមិនមែនជាកត្តាបញ្ជាក់ថាអ្នកនឹងត្រូវរន្ទះបាញ់រឺអត់នោះទេ”។ គាត់បានបន្ថែមទៀតថា គ្រប់រន្ទះទាំងអស់សុទ្ធតែអាចសម្លាប់យើងបាន មិនខ្វល់ថាយើងមានអ្វីជាប់ខ្លួនឡើយ។
យោងទៅតាម BBC News ចុះផ្សាយថ្ងៃទី ២២ មិថុនា ឆ្នាំ ២០០៦ បានបញ្ចាក់ថា ការដាក់ទូរស័ព្ទដៃជាប់នឹងខ្លួនអាចបណ្ដាលឲ្យមានគ្រោះថ្នាក់ធ្ងន់ធ្ងរបើកាលណាមានរន្ទះបាញ់។ វេជ្ជបណ្ឌិត Swinda Esprit អ្នកឯកទេសខាងផ្នែកត្រចៀក ច្រមុះ និងបំពង់ក បាននិយាយថា “បើសិនជាអ្នកត្រូវរន្ទះបាញ់តែម្យ៉ាង នោះចរន្តអគ្គិសនីនឹងរត់ពេញខ្លួនអ្នកមួយភ្លែត ប៉ុន្តែប្រសិនបើអ្នកមានទូរស័ព្ទដៃជាប់នឹងខ្លួន ចរន្តអគ្គិសនីនឹងរត់ចូលក្នុងខ្លួន ហើយបណ្ដាលឲ្យមានរបួសកាន់តែធ្ងន់ធ្ងរ។” ប៉ុន្តែគាត់ និងអ្នកឯកទេសផ្សេងទៀត ក៏មានការឯកភាពដែរថា ទូរស័ព្ទដៃមិនមែនជាភ្នាក់ងារបង្កឲ្យមានរន្ទះនោះទេ។
ដូច្នេះ យើងអាចសន្និដ្ឋានបានថា ការប្រើប្រាស់ទូរស័ព្ទពេលកំពុងព្យុះភ្លៀង មិនមែនជាហេតុបង្កឲ្យរន្ទះបាញ់ទេ ប៉ុន្តែប្រសិនបើត្រូវរន្ទះបាញ់ ពេលមានទូរស័ព្ទជាប់នឹងខ្លួន នោះវានឹងបង្កឲ្យមានរបួសកាន់តែធ្ងន់ធ្ងរ (បើសិនមិនស្លាប់ ) ។
ឯកសារយោង៖
កោះសន្តិភាព៖ http://kohsantepheapdaily.com.kh/article/20100929-015959.html
China Through A Lens: http://www.china.org.cn/english/2004/Jul/102167.htm
ABC News: http://abcnews.go.com/GMA/Weather/story?id=2181843
BBC News: http://news.bbc.co.uk/2/hi/health/5106510.stm
ចំណេះដឹងមួយចំនួនអំពីរន្ទះ៖
- រន្ទះបាញ់មានល្បឿនប្រមាណ ២២៤០០ គីឡូម៉ែតក្នុងមួយម៉ោង ហើយពេលបាញ់ម្ដងៗធ្វើឲ្យបរិយាកាសនៅជុំវិញមានសីតុណ្ហភាពដល់ទៅ ៣០០០០ អង្សាសេ (ក្ដៅជាងផ្ទៃព្រះអាទិត្យប្រាំដង!)។
- ប្រូបាបដែលអ្នកត្រូវរន្ទះបាញ់គឺប្រហែល ១ ក្នុង ៣ លានករណី។
ក្អកយ៉ាងណាឲ្យត្រឹមត្រូវ?
យើងទាំងអស់គ្នាសុទ្ធតែចង់ឲ្យខ្លួនមានអនាម័យដើម្បីសុខភាពខ្លួនឯង ហើយនេះក៏ជាសុជីវធម៌មួយនៅក្នុងសង្គមដែរ។ ដូច្នេះហើយនៅពេលក្អកកណ្ដាស យើងរាល់គ្នាតែងយកដៃខ្ទប់មាត់។ តើការរក្សាអនាម័យបែបនេះត្រឹមត្រូវដែររឺទេ?
នៅក្នុងប្រទេសទាំងអស់មិនថាមានរឺក្រ គេតែងសង្កេតឃើញថា មនុស្សមួយភាគធំប្រើប្រាស់វិធីមិនត្រឹមត្រូវក្នុងការជៀសវាងមេរោគឆ្លង។ ៣នាក់ក្នុងចំនោមមនុស្ស៤នាក់ព្យាយាមយកដៃខ្ទប់មាត់ពេលគេក្អក រឺកណ្ដាសព្រោះគេគិតថានេះជាវិធីក្នុងការការពារមិនឲ្យមេរោគដែលចេញពីមាត់ពួកគេហើរចូលទៅក្នុងខ្យល់។ តាមពិតនេះជាការយល់ច្រឡំមួយទាំងស្រុង។ ទោះជាយើងបានការពារមិនឲ្យមេរោគហើរចូលទៅក្នុងខ្យល់ក្ដី ក៏ប៉ុន្តែមេរោគវានឹងនៅជាប់នឹងដៃយើងដដែល។ ដូចដែលយើងដឹងស្រាប់ហើយ ដៃជាវត្ថុរាវ យើងប្រើដៃបើកទ្វារ ប៉ះតុកៅអី និងរបស់របរផ្សេងៗទៀត ដូច្នេះមេរោគក៏ចម្លងទៅលើវត្ថុទាំងនោះដែរ។ ពេលអ្នកដទៃមកប៉ះចំវត្ថុទាំងអស់នោះ គេក៏គង់នឹងឆ្លងមេរោគដូចតែគ្នានោះឯង។
វិធីមួយដើម្បីទប់ស្កាត់ការចម្លងតាមរបៀបនេះ គឺយើងត្រូវលាងដៃសម្អាតសាប៊ូភ្លាម ក្រោយពេលក្អក រឺកណ្ដាសដោយយកដៃខ្ទប់មាត់ហើយ។ ប៉ុន្តែជឿថាគ្មាននរណាគេឩស្សាហ៍ធ្វើដូចនេះឡើយ។ ចំនែកវិធីមួយទៀតគឺប្រើកន្សែង រឺក្រដាសជូតមាត់មកខ្ទប់មាត់ជំនួសឲ្យ
ដៃវិញ។ ប៉ុន្តែក្នុងចំនោម៣០នាក់ មានតែ១នាក់ប៉ុណ្ណោះ ដែលត្រៀមកន្សែង រឺក្រដាសជូតមាត់ដាក់ជាប់នឹងខ្លួន។
ដូច្នេះហើយ មានវិធីម្យ៉ាងដែលងាយស្រួល និងមិនចំណាយពេលយូរ គឺយើងប្រើកែងដៃមកខ្ទប់មាត់វិញ នៅពេលដែលយើងក្អក រឺកណ្ដាស។ ទោះជាមេរោគនៅជាប់នឹងកែងដៃ ប៉ុន្តែវាកម្រនឹងឆ្លងទៅគេណាស់ (លុះត្រាតែយកយើងកែងដៃទៅកៀរគេ) ហើយយើងក៏អាចសម្អាតពេលក្រោយបានដែរ (ដូចជាពេលងូតទឹក)។ វិធីនេះ គេហៅថា ដ្រាឃ្យូឡា (Dracula)។
ដោយហេតុយ៉ាងនេះ ខ្ញុំសូមសំណូមពរអ្នកទាំងអស់គ្នាឲ្យប្រើកែងដៃមកខ្ទប់មាត់ ពេលណាត្រូវការក្អក រឺកណ្ដាសដើម្បីសុខភាពអ្នកដទៃ ក៏ដូចជាសុខភាពបរិស្ថានយើងដែរ។ សូមសំណាងល្អ!
