បណ្ណសារប្លក
ខៀវ រឺបៃតង?
ក្នុងចំណោមពាក្យខ្មែរ ដែលមានភាពចម្រូងចម្រាសមិនចេះចប់មិនចេះហើយនោះ ខ្ញុំសង្កេតឃើញថា អ្នកខ្លះនៅតែច្រឡំគ្នារវាងការញែកពណ៌ខៀវ និងពណ៌បៃតងដដែល។ តើហេតុអ្វីទៅ? ឧទាហរណ៍ ភ្លើងសញ្ញាចរាចរណ៍ដែលអនុញ្ញាតឲ្យអ្នកដំណើរឆ្លងទៅបាន ម៉េចក៏នាំគ្នាថាភ្លើងពណ៌ខៀវដូច្នេះ? ហើយនៅក្នុងវចនានុក្រម អង់គ្លេស-ខ្មែរ មួយចំនួនក៏បកពាក្យ Green ថាជាពណ៌ខៀវដែរ។
តាមវចនានុក្រមខ្មែរ រៀបរៀងដោយសម្ដេចសង្ឃរាជជួន ណាត បានបញ្ជាក់យ៉ាងច្បាស់ពីន័យនៃពណ៌ទាំងពីរនេះ៖
- ខៀវ ៖ ពណ៌ផ្ទៃមេឃជាប្រក្រតី។
- បៃតង ៖ (ស.)(បៃត្ចង អ. ថ. បៃតង ន. “ស្លឹកចេក”) ពណ៌ស្លឹកចេកស្រស់ ៖ ពណ៌បៃតង, សំពត់បៃតង។
ដូច្នេះ យើងគួរតែដឹងថា៖
ខៀវ
បៃតង
ឆ្នាំថ្មី ឆ្នាំថោះ ឆ្នាំទន្សាយ!
ថ្ងៃនេះជាថ្ងៃចូលឆ្នាំចិន ឆ្លងឆ្នាំខាល ចូលឆ្នាំថោះ ជាឆ្នាំទីបួនកំណត់ដោយឈ្មោះ ទន្សាយ ។ តើអ្នកដឹងទេថាតើ ទន្សាយមានលក្ខណៈពិសេសអ្វីខ្លះ? សូមអញ្ចើញតាមដាន៖
- ទន្សាយមានខួរក្បាលចងចាំល្អណាស់។
- ទន្សាយមានត្រចៀកវែងហើយវៃ អាចបត់បែនគ្រប់ទិស និងជួយកំរិតសីតុណ្ហភាពឲ្យខ្លួនទៀតផង។
- ទន្សាយមានភ្នែកធំៗ ប៉ុន្តែមើលមិនឃើញអ្វីដែលនៅចំពីមុខតែម្ដង នោះទេ។
- ទន្សាយមានចក្ខុវិស័យជិតស្មើនឹង ៣៦០ ដឺក្រេ។ វាអាចមើលឃើញខាងក្រោយខ្លួនវា ដោយមិនបាច់ងាកក្បាលឡើយ។
- ទន្សាយមានធ្មេញទាំងអស់ ២៨ ដែលបន្តដុះរហូតទាល់តែអស់ជីវិត។
- កូនទន្សាយកើតមកខ្វាក់ភ្នែក ហើយគ្មានរោមទេ។ លុះដល់ប្រមាណ ១០ ថ្ងៃ ទើបកូនទន្សាយបើកភ្នែកបាន។
- ទន្សាយមិនអាចក្អួតបានទេ។
- ទន្សាយត្រូវការធ្វើលំហាត់ប្រាណ ៤ ម៉ោងក្នុងមួយថ្ងៃ ដើម្បីរក្សាសុខភាព។
- ទន្សាយមិនចូលចិត្តឲ្យគេលើកឡើងទេ។
Teacher: Why do you know carrots are good for eyes?
Student: Have you ever seen a rabbit wearing glasses?
អត់ឱន
ក្រោយអាពាហ៍ពិពាហ៍អស់១១ឆ្នាំមក គូស្វាមីភរិយាមួយគូក៏ប្រសូត្របានបុត្រាមួយ។ អ្នកទាំងពីរស្រឡាញ់គ្នាណាស់ ហើយពួកគាត់ស្រឡាញ់កូនប្រុសទុកដូចជាកែវភ្នែក។ នៅពេលទារកអាយុបានពីរខួប នាព្រឹកមួយប្ដីប្រទះឃើញដបថ្នាំមួយឥតបិទគម្រប។ គាត់ហួសម៉ោងធ្វើការទៅហើយ ដូច្នេះក៏ពឹងប្រពន្ធឲ្យជួយបិទគម្របដបថ្នាំ រួចយកទៅដាក់លើទូ។ រីឯម្ដាយ រវល់តែជាប់ដៃក្នុងផ្ទះបាយ ក៏ភ្លេចប្រការនេះឲ្យឈឹង។
ក្មេងប្រុសនោះឃើញដប ក៏ប្រវេប្រវាទៅយក ហើយដល់ឃើញពណ៌ស្អាត ក៏ផឹកទាំងអស់។ តាមពិត ថ្នាំនោះជាថ្នាំមានជាតិពុល សម្រាប់តែមនុស្សធំប្រើប្រាស់ ក្នុងកម្រិតតិចតួចប៉ុណ្ណោះ។ ពេលដែលទារកនោះដួលព្រូស ម្ដាយក៏ស្លន់ស្លោរប្រញាប់យកទៅមន្ទីរពេទ្យ តែជីវិតក្មេងនោះបានរលត់ទៅហើយ។ ម្ដាយក្មេងតក់ស្លុតយ៉ាងតក្កមា។ គាត់មិនដឹងជាត្រូវប្រឈមមុខនឹងប្ដីខ្លួនយ៉ាងណានោះទេ។
ក្រោយមក ឪពុកក្មេងមកដល់មន្ទីរពេទ្យទាំងទឹកមុខក្រៀមក្រំ ឃើញសាកសពកូនខ្លួន រួចគាត់ក៏សម្លឹងមើលប្រពន្ធគាត់ ព្រមទាំងនិយាយតែពាក្យបួនម៉ាត់ប៉ុណ្ណោះ។
តើពាក្យនោះជាអ្វី?
ប្ដីគ្រាន់តែនិយាយថា៖ “បងស្រឡាញ់អូន”
ការបញ្ចេញប្រតិកម្មចម្លែករបស់ប្ដីនេះ តាមពិតជាអាកប្បកិរិយាមួយប្រកបដោយសម្បជញ្ញៈ។ កូនស្លាប់ទៅហើយ។ មិនអាចប្រស់វាឲ្យរស់ឡើងវិញបានទេ។ ទោះជាស្ដីបន្ទោសម្ដាយយ៉ាងណាក៏គ្មានបានប្រយោជន៍អ្វីដែរ។ ម្យ៉ាងវិញទៀត បើសិនជាគាត់ (ប្ដី) គ្រាន់តែចំណាយពេលបន្តិច ដើម្បីយកដបថ្នាំនោះទៅទុក ក៏ប្រាកដជាគ្មានរឿងដល់ថ្នាក់នេះដែរ។ មិនចាំបាច់ទម្លាក់កំហុសលើនរណាទេ។ នាងក៏បាត់បង់កូនតែមួយគត់របស់នាងដែរ។ អ្វីដែលនាងត្រូវការនាពេលនេះគឺការលួងលោង និងការអាណិតអាសូរពីប្ដី។ នេះហើយជាអ្វីដែលគាត់បានផ្ដល់ឲ្យនាង។
ពេលខ្លះ យើងតែងចំនាយពេលវែកមុខរក អ្នកទទួលខុសត្រូវ រឺអ្នកដែលត្រូវបន្ទោស មិនថានៅក្នុងទំនាក់ទំនងណាមួយ ក្នុងការងារណាមួយ រឺក៏ជាមួយមនុស្សដែលយើងស្គាល់ក៏មានដែរ។ យើងសុទ្ធតែភ្លេចនូវភាពកក់ក្ដៅនៃទំនាក់ទំនងមនុស្ស ក្នុងការជួយគាំទ្រគ្នាទៅវិញទៅមក។ គិតទៅមើល តើការអត់អោនទោសឲ្យនរណាម្នាក់ដែលយើងស្រឡាញ់ វាពិបាកណាស់ទៅរឺ? សូមចេះថែរក្សាអ្វីដែលយើងមាន។ កុំបន្ថែមការឈឺចាប់ កំហឹង និងទុក្ខវេទនា ដោយគ្រាន់តែកំណាញ់នឹងការអត់អោនអី។
ប្រសិនជាអ្នករាល់គ្នាព្រមសម្លឹងមើលន័យជីវិតដោយប្រើទស្សនៈបែបនេះ នោះពិភពលោកច្បាស់ជាមិនសូវមានបញ្ហាទៀតទេ។
សូមទម្លាក់ចោលឲ្យអស់នូវ ការច្រណែន ការមិនព្រមអត់ទោន ភាពកំណាញ់ និងសេចក្ដីភ័យខ្លាច ហើយអ្នកនឹងបានដឹងថា រឿងរ៉ាវទាំងឡាយមិនពិបាកដូចអ្នកគិតឡើយ។
Read this in English: A Couple
ប្រើទូរស័ព្ទរន្ទះបាញ់?
ថ្មីៗនេះមានភ្លៀងធ្លាក់ជារៀងរាល់ថ្ងៃ ហើយចាស់ៗ និងមិត្តភក្តិខ្ញុំមួយចំនួនតែងដាស់តឿនខ្ញុំឲ្យបិទទូរស័ព្ទ កុំប្រើពេលកំពុងភ្លៀង។ ដូច្នេះហើយ ខ្ញុំចេះតែឆ្ងល់ថា តើទូរស័ព្ទពិតជាអាចទាក់ទាញរន្ទះបាញ់មែនរឺមិនមែន?
ក្នុងព័ត៌មានកោះសន្តិភាពចុះផ្សាយថ្ងៃទី ២៩ កញ្ញា ឆ្នាំ ២០១០ បានឲ្យដឹងថា បុរសម្នាក់ត្រូវរន្ទះបាញ់ស្លាប់ខណៈពេលដើរកាត់ភ្លៀងដោយដាក់ទូរស័ព្ទដៃក្នុងហោប៉ៅ។ ក្រោយឧប្បត្តិហេតុនេះ ទូរស័ព្ទដែលបានរកឃើញត្រូវបែកខ្ទេចខ្ទីអស់គ្មានសល់។ ដូចគ្នាដែរ ក្នុងប្រទេសចិន ថ្ងៃទី ២៤ ខែកក្កដា ឆ្នាំ ២០០៤ មនុស្សដប់ប្រាំនាក់ត្រូវរងគ្រោះរន្ទះបាញ់ ក្រោយការស៊ើបអង្កេតឃើញថា មានបុរសវ័យចំណាស់ម្នាក់ (ក្នុងចំណោម ១៥ នាក់) បានប្រើទូរស័ព្ទដៃពេលកំពុងភ្លៀងផ្គរ។ សាស្ត្រាចារ្យ Liu Shuhua នៅដេប៉ាតឺម៉ង់វិទ្យាសាស្ត្រផ្នែកឧតុនិយមប្រចាំសាកលវិទ្យាល័យ Peking បានមានប្រសាសន៍ថា វាពិតជាមានគ្រោះថ្នាក់ណាស់ក្នុងការប្រើប្រាស់ទូរស័ព្ទដៃក្នុងពេលកំពុងមានភ្លៀង។ រលកអេឡិចត្រូម៉ាញេទិចតាមទូរស័ព្ទជាអ្នកចម្លងចរន្តដ៏ល្អ ចំនែកទូរស័ព្ទដើរតួជាឧបករណ៍ទាក់ទាញរន្ទះ។ តើនេះជាការពិតដែររឺទេ?
តាមវ៉ិបសាយ ABC News ចុះផ្សាយថ្ងៃទី ១២ ខែកក្កដា ឆ្នាំ ២០០៦ មជ្ឈមណ្ឌលចាប់រន្ទះមួយក្នុងទីក្រុង Tucson រដ្ឋ Arizona បានអះអាងថា ទូរស័ព្ទដៃ រឺឧបករណ៍ចាក់ MP3 (MP3 Player) គ្មានគ្រោះថ្នាក់អីនៅក្នុងព្យុះភ្លៀងជាជាងកូនសោ រឺកាក់នោះទេ។ ចំនែកឯលោក Ron Holle ឧតុវិទូមួយរូបបានមានប្រសាសន៍ថា “អ្វីដែលនៅជាប់ខ្លួនមិនមែនជាកត្តាបញ្ជាក់ថាអ្នកនឹងត្រូវរន្ទះបាញ់រឺអត់នោះទេ”។ គាត់បានបន្ថែមទៀតថា គ្រប់រន្ទះទាំងអស់សុទ្ធតែអាចសម្លាប់យើងបាន មិនខ្វល់ថាយើងមានអ្វីជាប់ខ្លួនឡើយ។
យោងទៅតាម BBC News ចុះផ្សាយថ្ងៃទី ២២ មិថុនា ឆ្នាំ ២០០៦ បានបញ្ចាក់ថា ការដាក់ទូរស័ព្ទដៃជាប់នឹងខ្លួនអាចបណ្ដាលឲ្យមានគ្រោះថ្នាក់ធ្ងន់ធ្ងរបើកាលណាមានរន្ទះបាញ់។ វេជ្ជបណ្ឌិត Swinda Esprit អ្នកឯកទេសខាងផ្នែកត្រចៀក ច្រមុះ និងបំពង់ក បាននិយាយថា “បើសិនជាអ្នកត្រូវរន្ទះបាញ់តែម្យ៉ាង នោះចរន្តអគ្គិសនីនឹងរត់ពេញខ្លួនអ្នកមួយភ្លែត ប៉ុន្តែប្រសិនបើអ្នកមានទូរស័ព្ទដៃជាប់នឹងខ្លួន ចរន្តអគ្គិសនីនឹងរត់ចូលក្នុងខ្លួន ហើយបណ្ដាលឲ្យមានរបួសកាន់តែធ្ងន់ធ្ងរ។” ប៉ុន្តែគាត់ និងអ្នកឯកទេសផ្សេងទៀត ក៏មានការឯកភាពដែរថា ទូរស័ព្ទដៃមិនមែនជាភ្នាក់ងារបង្កឲ្យមានរន្ទះនោះទេ។
ដូច្នេះ យើងអាចសន្និដ្ឋានបានថា ការប្រើប្រាស់ទូរស័ព្ទពេលកំពុងព្យុះភ្លៀង មិនមែនជាហេតុបង្កឲ្យរន្ទះបាញ់ទេ ប៉ុន្តែប្រសិនបើត្រូវរន្ទះបាញ់ ពេលមានទូរស័ព្ទជាប់នឹងខ្លួន នោះវានឹងបង្កឲ្យមានរបួសកាន់តែធ្ងន់ធ្ងរ (បើសិនមិនស្លាប់ 
) ។
ឯកសារយោង៖
កោះសន្តិភាព៖ http://kohsantepheapdaily.com.kh/article/20100929-015959.html
China Through A Lens: http://www.china.org.cn/english/2004/Jul/102167.htm
ABC News: http://abcnews.go.com/GMA/Weather/story?id=2181843
BBC News: http://news.bbc.co.uk/2/hi/health/5106510.stm
ចំណេះដឹងមួយចំនួនអំពីរន្ទះ៖
- រន្ទះបាញ់មានល្បឿនប្រមាណ ២២៤០០ គីឡូម៉ែតក្នុងមួយម៉ោង ហើយពេលបាញ់ម្ដងៗធ្វើឲ្យបរិយាកាសនៅជុំវិញមានសីតុណ្ហភាពដល់ទៅ ៣០០០០ អង្សាសេ (ក្ដៅជាងផ្ទៃព្រះអាទិត្យប្រាំដង!)។
- ប្រូបាបដែលអ្នកត្រូវរន្ទះបាញ់គឺប្រហែល ១ ក្នុង ៣ លានករណី។
A Special Phrase
The quick brown fox jumps over the lazy dog.
Well, it looks like a normal English phrase, doesn’t it? But it has something special. What is it? Can you find it? 
Have a nice day!
CSAJ Essay Contest 2010: Done!
Hooray! Finally I got my essay submitted to the judges of CSAJ Essay Contest of this year. The deadline was on the 1st of July, and I sent my writing in the evening of 30th of June. Well, it was nearly late, and I thought maybe it wouldn’t be accepted. However, it got through. The next day I got a reply from one of the judges saying they got my essay. The shortlist will be announced on Friday, July 30th, and ten essays will be selected. If I get my name on the shortlist, I will have to make a presentation of my essay on the 28th of August. Let’s not think about that now.
Sadly, this time I think my essay isn’t as good as I hoped since I couldn’t do any research besides searching the Internet, and most of what I found is out-of-date. Anyway, here is my essay for you guys to read and feel free to give any recommendations. Oh, by the way, here’s the topic the essay I chose:
“What are the main problems in Cambodian Education System? What should we do to solve those problems?”
<a title=”View Main Problems in Cambodian Education System on Scribd” href=”http://www.scribd.com/doc/33883112/Main-Problems-in-Cambodian-Education-System” style=”margin: 12px auto 6px auto; font-family: Helvetica,Arial,Sans-serif; font-style: normal; font-variant: normal; font-weight: normal; font-size: 14px; line-height: normal; font-size-adjust: none; font-stretch: normal; -x-system-font: none; display: block; text-decoration: underline;”>Main Problems in Cambodian Education System</a> <object id=”doc_424800337436912″ name=”doc_424800337436912″ height=”500″ width=”100%” type=”application/x-shockwave-flash” data=”http://d1.scribdassets.com/ScribdViewer.swf” style=”outline:none;” rel=”media:document” resource=”http://d1.scribdassets.com/ScribdViewer.swf?document_id=33883112&access_key=key-15mt95rnz9goz2a0mc36&page=1&viewMode=list” xmlns:media=”http://search.yahoo.com/searchmonkey/media/” xmlns:dc=”http://purl.org/dc/terms/” > <param name=”movie” value=”http://d1.scribdassets.com/ScribdViewer.swf”> <param name=”wmode” value=”opaque”> <param name=”bgcolor” value=”#ffffff”> <param name=”allowFullScreen” value=”true”> <param name=”allowScriptAccess” value=”always”> <param name=”FlashVars” value=”document_id=33883112&access_key=key-15mt95rnz9goz2a0mc36&page=1&viewMode=list”> <embed id=”doc_424800337436912″ name=”doc_424800337436912″ src=”http://d1.scribdassets.com/ScribdViewer.swf?document_id=33883112&access_key=key-15mt95rnz9goz2a0mc36&page=1&viewMode=list” type=”application/x-shockwave-flash” allowscriptaccess=”always” allowfullscreen=”true” height=”500″ width=”100%” wmode=”opaque” bgcolor=”#ffffff”></embed> </object>
